صحيح أنا نايم ... لكن على باب الله اللي كله خير مطمن ورايق أحسن من أمير ولا شايل سلاح وقلقان م اللصوص زي الغفير ولا خايف يعزلوني زي الوزير وراضي بلقمة حاف وكوز مية م الزير مطمن ورايق أحسن من أمير دانا على باب الله اللي كله خير وجيه عطا
اللي يفرَّق بين الناس ويقول: لغتي وديني ولوني الأساس فهموه معنى كلمة "إنسان" يا ناس
بلاش نقول دا شخص ينداس فهموه معنى كلمة "إحساس" وعلموه معاني "الإخلاص" نسقي محبة وتفاهم وإحساس ونصبر علي زرعنا يا ناس
وازرع طول البال في الكبار والعيال وارمي شوية صبر تتغير الأحوال دا الشوك بيطرح ورود ! و اصبر يا صبار ع الجفاف والبرود ! واللي بيزرع ورد الورد ليه ها يعود ! وجيه عطا 11/8/2010